بَلطَج .. اِقْتِل .. وَلَّع .. كسَّر
ماحنا فرحنا فى يوم بالعَسْكَر
لفَّق .. اِحْكِم .. شَرَّع .. قَرَّر
بتحسسنا الحق دا مُنْكَر
------------------------------
اِنْفِ .. زَيَّفْ .. كَحَّل .. عَكَّر
ما احنا رِضِينا بيك مِتْنَكَّر
غلطة شعبك انه فى يوم
رِضِى بكلب عشانه يفكَّر
-----------------
فارض نفسك ليه على شعب
رافض انه يكون مُحْتَلّ
كاسر عينه برفض الضرب
فاكر حبك مش هيقِّلّ
ناسى ليه كرامة شعب
حلف خلاص مش هَتْذَلّ
------------------------------
اوعى تنسى شباب مصر
شباب عرفوا معنى الوحده
ومش هنسيبك جوا القصر
وهنعرَّف كلابك الجاحده
مين هما شعب النصر
لما بنبقى ايد واحده
----------------------------
مهما تفضل او تطول
مدة حكمك لازم تخلص
حريتنا مش هتزول
مصر بدونك مش هتنقص
-------------------------
عايز توقع بين صفوفنا
حاول وانا .... منصحكش
فى الميدان هيبقى وقوفنا
وفرق تسد .... متنفعكش
------------------------------
اعكس وانفى كل حقيقة
دارى بايدك جثث الشهدا
بان واظهر ع المكشوف
واخسر قيمتك كل دقيقة
دم اخويا مش هيضيع
عدى خلاص وقت الخوف
----------------------
فاكر مصر هتبقى عروستك
وهيا قالت مش عايزه عَدَل
فكرتنى بحكمة اتقالت
ديل الكلب عمره ما يتعدل
No comments:
Post a Comment