بدون عنوان

قولت التَحَدِّى - الكل وقف ضدى
قولت مفيش استسلام - قالولى انت غلبان
مش لازم اكون جبان - لازم اخد قرار – اكون بيه انسان
انسَى اللى فات - واسِيب الذكريات – واصَحِّى الضمير اللى مات
انسَى الالم – و امسك القَلم
واكتب اللى جوايا
قالولى هتتعب – ما لازم أتعب
اكتب – واعبر
ما ياما قالو – انت هتعمل ايه ؟
اوصَّل رسالة – اسِيب  علامة - اللى بعدى يشوفها
يكمِّل مشوارى – او يناقِش حوارى
قالولى هتكتب عن ايه – وتسيب نفسك ليه
قولت عن أى غلطة  - وكل غفوة
ناس سابت دينها - شافت الويل بعينها

ناس شافت و سكتت -  جالها الهَمّْ و بعدت

شيخ بيفتى – مش عارف انه ِبيعصِى

شاب خَدَّر – و قال هكبَّر – و بكرة هقدَّر
جِه ينام – نام  ما قام

شاب سكران – ورجع ندمان

بنت سابت نفسها – الشيطان كان جمبها
قالت  هخبى وأدارى – بس مخدتش بالى
فضحت اهلها – محدش وقف جمبها
شافت الحياة ضلمة – قطعت سلك اللمبة

راجل ساب بيته – راح للموت بايده

واحده سابت جوزها – رمت عيالها بايدها

بنت قلعت الحِجَاب – شافت كل الشبَاب

بنت ماشيه لوحدها – ماسابوهاش ابدا لوحدها
وده يِنْفَعْ – ما لازم نِسْتَنْفَعْ
وحوش فى غابه – شباب مش شبعانه

لازم الجواز – لما نطَلّع الجواز
شباب بتِحلم – لازم نكون أحْلَم
يمكن بره احسن – بس هنا اضمن
بلدك اولى  – بلدى ايه يا عَمِّ السفر

وعايزينى اسْكُت ........................
29/12/2010